كفتة لحمة مشوية

 

المكوّنات

 3 أفراد

1. 1/2 كيلو لحمة مفرومة وعليها 15% دهن
2. بصلة كبيرة
3. معلقة ملح
4. معلقتين فلفل أسود
5. رشة السبع بهارات
6. معلقة بيكنج باودر
7. معلقة نشا صغيرة
8. معلقة زيت

الخطوات

1. هنفرم البصلة الكبيرة في الخلاط ونصفي منها المية بتاعت البصل ونفصل البشر عن المية

2. هناخد بشر البصل نحطه على اللحمة المفرومة مع الدهن ونشيل مية البصل على جمب هنحتاجها

3. نحط الملح والفلفل والسبع بهارات والنشا والبيكنج باودر ونقلب كويس جدا ونسيب اللحمة ترتاح في التلاجة نص ساعة

4. في الوقت ده هنكون ناقعين اسياخ خشب في مية عشان ماتتحرقش

5. وهناخد المية بتاعت البصل نضيف عليها معلقة زيت وشوية فلفل اسود وملح

6. هنطلع اللحمة ونبتدي نصبعها على أسياخ الخشب وبعد ما نصبعها هنجيب فرشة وناخد من الخليط بتاع مية البصل والزيت ونمسح بيها على الكفتة

7. نشغل الفرن على درجة حرارة 220 ونسيبه يسخن خلال الفترة دي هنحط الكفتة المتصبعة في الفريزر ربع ساعة عشان تتماسك

8. لما الفرن يسخن هنحط صينية في الفرن من تحت خالص فيها مية سخنة وهنرص في النص على الشبكة الكفتة بتاعتنا ونسيبها تتشوي وبألف هنا 😍