بيتزا بالفراخ

 

المكوّنات

1. هنحتاج عجينه بيتزا كنت منزله وصفتها قبل كده
2. وصلصه البيتزا برضو نزلتها قبل كده
3. حلقات بصله مقطعة
4. حلقات فلفل رومي
5. مكعبات طماطم
6. 2 صدور فراخ مكعبات
7. معلقتين زيت
8. ملح وفلفل
9. معلقتين لو في بهارات فراخ حطي
10. جبنة رومي مبشوره لو عايزه
11. جبنة موتزاريلا

الخطوات

1. هجيب طاسه احط فيها معلقتين الزيت وانزل بالبصل لحد م تصفر وتتشوح

   

2. وبعدين هنزل بالفراخ واسيبها لحد م تنزل مايتها وتستوي

3. وبعدين هنزل بالفلفل الرومي وفي الاخر خالص الطماطم

4. وهحط عليهم الملح والفلفل وبهارات الفراخ وهسيبها تهدي

   

5. بعد م افرد عجينه البيتزا في الصينيه هحط معلقتين من صلصة البيتزا وافردها فوق العجينه

   

6. هحط الفراخ وافردها على الصلصة وبعدين هرش عليها جبنة رومي مبشوره وفي الاخر خالص جبنة موتزاريلا

   

7. وهدخلها الفرن من تحت الاول حوالي ٣ دقائق وبعدين هطلعها في النص حوالي دقيقتين وهولع الشوايه على الهادي