الخطوات
أولا عاوزه أوضحلكم السكر البودرة والسمنه نعايرهم بالكوبايه الشوب الطويله اللي هي ٢٠٠ملل لكن الشربات نعايره بالمج العادي
أولا نحضر الشربات التقيل في إناء نضع السكر ثم الماء نرفعه على نار متوسطه من غير مانقلب ونعصر نصف ليمونه يترك حتى الغليان
وعند الحصول على القوام المطلوب نطفى النار ونضع الفانيليا ونقلب ونتركه يبرد تماما
ثانيا الكنافه نضعها في الكبه ونقطعها صغير
من الكبه نأخذ الكنافه نضعها في وعاء وننزل عليها بالسكر البودرة ونقلب ثم ننول بالسمنه ونقلب كويس جداً لحد ما السمنه تتوزع في كل الكنافه كويس اوي
نحضر صينية متوسطه ومتوسطه علشان هنقلبها في الاكبر منها لما الوجه اللي تحت يتحمر وانا هنا استخدمت صينية كيكه عاديه لكن الافضل تتعمل في صينية البسبوسه علشان متبقاش عاليه وندهن الصينية سمنه
في الصينيه نضع نصف الكنافه ونساويه ونضغط عليه جامد بايدينا وبطبق صغير نضغط جامد جداً على اد مانقدر
نحضر الحشو جوز هند سوداني و زبيب نضع عليهم معلقتين كبار شربات علشان تبقى الحشوه ماسكه نفسها لما نيجى نقطع الكنافه الحشو ميقعش منها
نوزع الحشو في المنتصف ونبعد عن الاطراف ثم نضع باقي كمية الكنافه ونوزعها ونساويها وبرضه نضغط جامد جداً بايدينا وبعدين بالطبق
ندخلها الفرن على ١٨٠ رف اوسط لحد مانلاقى الاطراف وصلت للون المطلوب نجيب الصينيه الاكبر منها ندهنها سمنه ونقلبها فيها
وندخلها ثاني الفرن على ١٨٠ لحد ماالوش التاني ياخذ نفس اللون ونطلعها نسقيها بالشربات البارد والكنافه ساخنه ونغطيها علشان تتطرى وتتشرب ولما تهدى تقطع وتقدم بالهنا والشفا
جميل
ردحذف